Latgolys viestnīceibys GORS vizualuo ideņtitate ir taiseita, bolstūtīs iz zeimula pamatvierteibu i golvonū ideju par Latgolys viestnīceibu i darbeibā asūšu radūšū goru. Izmontojūt grafiskus izteiksmis leidzekļus, ideņtitate izceļ i svietej Latgolys kulturys golvonū montuojumu – volūdu. Ar spūdrū dzeiveigumu teik ideņtificātys i izsvārtys niaņsātys izškireibys nu latvīšu volūdys, kas padora latgalīšu volūdu eipašu i kruosainu. Vuors i volūda ir GORS ideņtitatis pamats. Suokā beja vuords – nasačupinoms gors, kas īt saradzams, sačupinoms i sadzierdoms GORS vizualajūs materialūs. GORS ideņtitate ir latgalīšu volūdys duorgumu svieteišona. GORS logotips ir centra vizualuos ideņtitatis golvonais elements – tuo pamatā ir zeimula nūsaukums, kuru puorkluoj kruosaina “O” burta birka, kas nūruodej iz latvīšu i latgalīšu volūdu starpeibu itymā vuordā. Tai logotips īzeimej pundamentu ari kūpejai vizualai ideņtitatei – grafiskajai spēlei, izceļūt dažaidu vuordu izškireibu i latgalīšu volūdys eipatneibys. GORS ideņtitatis pamatā ir sešys kruosainys logotipa versejis, kas ir sovā storpā leidzvierteigys i veidoj dzeiveigu ideņtitatis kruosu paleti.
Latgolys viestnīceibys GORS vizualuo ideņtitate topuse dizaina studejā “Asketic”. Mikeļs Baštiks, grafikys dizainers: “GORS dizaina procesā gribējom izceļt stuostu par Latgolys unikalū kulturys i volūdys montuojumu. Na tū nūglobuot i nūlikt molā kai sekundaru, nu taišni ūtraiži – tū izceļt i svietei. Izavielejom viesteit itū stuostu, izceļūt latgalīšu volūdys sovpateibys i padorūt vuordu dažaideibys kai vīnu vizualuos ideņtitatis rokstu. Izmontuotuos kruosys vizualajai ideņtitatei atspīgeļoj dzeiveibys, dzīsmis i dzeivis dažaideibu i kruosaineibu.”
Biļetes var iegādāties GORS biļešu kasē Pils ielā 4, "Biļešu paradīzes" kasēs visā Latvijā, kā arī interneta vietnē www.bilesuparadize.lv