Zynomi BOŅUKS 2017 nominanti

Februara golā jau dasmitū reizi tiks sveikti Latgalīšu kulturys goda bolvys "Boņuks" sajiemieji. Paziņojam ituo goda bolvai izvirzeitūs pretendentus 17 nominacejuos sabīdreibys i kulturys, muzykys i literaturys sadaļuos. “Boņuks” ir vīneiguo bolva, kas eipaši izceļ i gūdynoj sasnāgumus latgalīšu kulturys dzeivē, verūtīs na tik Latgolys regionu, nu ari latgaliskuos aktivitatis cytur Latvejā i pasaulī.  Bolvys padūšonys ceremoneja nūtiks 25. februarī 16.00 Latgolys viestnīceibā GORS, kai ari byus nūsaverama tīšraidē lītuotnē LMT Straume.

 
Latgalīšu kulturys goda bolvys "Boņuks” mierkis ir veicynuot latgalīšu kulturvidis saglobuošonu i atteisteibu, kai ari apkūpuot i gūdynuot spylgtuokūs i svareiguokūs sasnāgumus latgalīšu kulturyā pārnejuo goda grīzumā. Ar kotru godu pīaug bolvai dasaceitūs pretendentu skaits – itūgod žurejai nominantus vajadzēja izlaseit nu 180 pretendentu. Jau tradicionali bolvys sajiemiejs nominacejā "Par myuža īguļdejumu latgalīšu kulturys atteisteibā“ tiks paziņuots, kod ceremoneja īs tyvuok.
 
Latgalīšu kulturys goda bolvys "Boņuks 2017” nominanti ir (nominacejuos pīraksteiti alfabeta parādā):
 
Sabīdreiba i kultura:
  
Goda cylvāks kulturā
Arnis Slobožaņins, muzikis i latgalīšu kulturys aktivists
Guntra Kuzmina-Jukna, muzike i školuotuoja
Kaspars Strods, viesturnīks
Kristaps Rasims, muzikis, raidejumu i pasuokumu vadeituojs
Viesturs Kairišs, režisors i latgalīšu kulturys aktivists
 
Goda nūtikšona
4. pasauļa latgalīšu saīts "Latgolys symtgadis kongress"
Latgalīšu volūdys nakts
Latgolys muokslys svātki "Krāsas karogā"
Latgolys symtgadis kongresa nūtikšonys nu 1. leidz 7. majam Rēzeknē, Daugovpilī i Preiļūs
Latgolys vierteibu īkļaušona Namaterialuos kulturys montuojuma sarokstā
 
Par latgalīšu volūdys populariziešonu
Bankys "Citadele" bankomats latgalīšu volūdā
Gruomota "Kačeiša patmalis"
Latvejis Radejis raidejums "Latgolys stuņde" (LR1 regionalais lūgs)
Lītuotne "LMT Straume" ar latgaliskūs nūtikšonu translaceju – Latgalīšu volūdys nakts i Latgalīšu kuturys goda bolva "Boņuks"
Vyspasauļa diktats latgaliski
 
Goda amatnīks/saiminīks
Audieja Annele Slišāne, projekts #100dečiLatvijai
Kebabneicys "Hasans" (Preili) saiminīki Laura i Jurs Vucāni
Kūka mebeļu ražuotuojs i restaurators Stanislavs Maļkevičs
Reigys kebabneicys "Ausmeņa Kebabs" saiminīks Valters Murāns
Tuošu meistars Jurijs Ivanovs
 
Goda snāgums vizualajā muokslā
Annelis Slišānis projekts #100dečiLatvijai – izstuode Bolvūs i aktivitatis
Gleznuotuoju apvīneiba V.I.V.A. ar izstuodis "Iemīlējušās Latgalē" aktivitatem
Ivetys Vaivodis Latgolai veļteita fotoizstuode "Zobens lilijas"
Izdavums "Vitālijs Kalvāns Latvijas glezniecībā"
Kolekcejis moneta "Latgales kongress"
Muokslineica Ieva Jurjāne – gruomota "Kačeiša patmalis"
 
Goda snāgums skotivis muokslā
Daugovpiļs teatra izruode "Nūgrymušuo pile"
Koncertizruode rokstim i skaņai "Latgales gredzens"
Latvejis Nacinoaluo teatra izruode "Klūgu mūks"
Muzykals izvadums "Nomoda sapnis par Lūznavu"
 
Goda snāgums audiovizualajā muokslā
"Divu krastu radio" raidejumu cyklys "No Latgales kongresa līdz Latvijas simtgadei"
Ingys Ābelis romana "Klūgu mūks" radejis īskaņuojums i CD
Latvejis Radejis stuostu cyklys "Latgales kongress. 10 stāsti"
LTV1 Latgolys kongresa symtgadei velteitais viesturiskais raidejumu cyklys "Trešā zvaigzne. Sākotne. Personība"
Raidejums "Latgalīšu volūdys sorgi. Vladislavs Locis"
 
Par latgalīšu kulturys populariziešonu Latvejā i pasaulī
Kina "Lidojošo mūku templis"
Komikis Jānis Skutelis
Latgaliskūs vierteibu īkļaušona Nacionalajā Namaterialuos kulturys montuojuma sarokstā
Raidejums "Atklāj Latgolu ar Kristapu Rasimu"
Raidejums "Latgalīšu volūdys sorgi. Vladislavs Locis"
TV raidejumu cyklys "Sajūti Latgali"
 
Muzyka:
 
Lobuokais snāgums pop/rock muzykā
Aija Eriņa ar dzīsmi "Taurens" i albumu "Par martu, maiju un decembri"                 
Grupa "Bez PVN" ar koncertdarbeibu i dzīsmi i videoklipu "Golds iz ustobys"
Kārlis Kazāks ar koncertdarbeibu i dzīsmem albumā "Dzirdi balsis"
Laura Bicāne ar albumu "Lauzīsimies cauri pūlim"
Projekts "100gadis bolsi" ar albumu "Celīs, bruoļ"                                        
Rēzeknis nūvoda vokaluo studeja "Skonai" ar koncertdarbeibu i albumu "Rūtaļa"                                
 
Lobuokais snāgums tautys muzykā
Folklorys kūpa "Ilža" ar albumu "Kuodeļ maņ nadzeivuot"                          
Folklorys kūpa "Upīte" ar koncertdarbeibu i festivalu "Lipa kust"
Postfolklorys grupa "Rikši" ar koncertdarbeibu i jaunom dzīsmem                                            
"Raxtu Raxti" ar dzīsmi "Zynu, zynu tāva sātu"                                                             
Saimu folklorys studeja "Garataka"ar koncertdarbeibu i albumu "Laukā"                                
"Tautumeitas" ar koncertdarbeibu i albumu "Lai māsiņa rotājās"
 
Lobuokais snāgums alternativajā muzykā
Apvīneiba "Latgalīšu Reps" ar koncertdarbeibu, dzīsmem i videoklipim                  
Grupa "Gandreiž 10nīkā" ar albumu "Nasoki nikuo" i videoklipu "Bļaunu"                                               
Poetiskuo roka apvīneiba "Kapļi" ar koncertdarbeibu i dzīsmi "Valereja Seile"                                       
Projekts "Jezups i Muosys" ar koncertdarbeibu                                            
Vinsents Kūkojs ar albumu "Breineigō nosta"               
 
Lobuokais snāgums akademiskajā muzykā
Juoņa Ivanova Rēzeknis muzykys vydsškolys vargaņu klasis 25 godu jubilejis koncertizvadums "Māras zemes ērģeļu gaisma"                                                
Koncertizruode rokstim i skaņai "Latgales gredzens"                                                   
Rihards Dubra – oratoreja "Marija"
                                 
Lobuokais muzykys video
Bez PVN  "Golds iz ustobys"                                            
Emīls Bauga "Stuosts"                       
Latgalīšu Reps "Ceļš iz muojom"                                                     
Latgalīšu Reps "Es tycu"                                                   
Latgalīšu Reps "Skots pa lūgu"
"Upītes Uobeļduorzs“        
 
Goda debeja muzykā
Dagdys Tautys noma vokaluo grupa "Solversija"                                                         
Emīls Bauga                                        
Latgalīšu Reps                    
                                 
Lobuokais snāgums šlagermuzykā
"Dvinskas muzikanti" ar videoklipu "Baļļuosim da reita"                                              
Grupa "Galaktika" ar koncertdarbeibu i albumu "Sirds vēl tic"                    
Igauņu saime ar koncertdarbeibu i pīsadaleišonu raidejumā "Latvijas sirdsdziesma"                                           
                                 
Literatura:
 
Lobuokais snāgums literaturā
Ingrīda Tārauda ar dzejis kruojumu "Pērlītes zem kājām/Bisers zam kuoju"
Ligija Purinaša ar dzejūlim
Maruta Latkovska ar Kārļa Skalbis puorsokys "Kaķīša dzirnavas" puorlykumu latgaliski "Kačeiša patmalis"
Raibīs ar dzejūļu kruojumu "Pistacejis"
 
Lobuokais izdavums/gruomota
Fotoalbums "Latgalietis XXI gadsimtā". Igors Pličs i "Latgales fotogrāfu biedrība"
I. Šuplinska, L. Rundāne, A. Andrejeva ar gruomotu "Gostūs pi Boņuka. Stuosti bārnim par Latgolu"
Ilmārs Mežs "Latviešu uzvārdi arhīvu materiālos: Latgale"
Jurs Cybuļs, Lideja Leikuma "Skreineite"
Maruta Latkovska, Ieva Jurjāne "Kačeiša patmalis"
Raibīs "Pistacejis"
 

Bolvys “Boņuks 2017” viertiešonys komisejā dorbuojās 29 pārnejūs godu bolvys sajiemieji i pīaicynuotī attīceiguos sferys puorzynuotuoji: muzikis i latgaliskūs projektu vadeituojs, Latgalīšu kulturys goda bolvys dybynuotuojs Guntis Rasims, varganiste Iveta Apkalna, dzejnīks i literaturzynuotnīks Valentīns Lukaševičs, latgalīšu tradicionaluos kulturys eksperte Ruta Cibule, režisore Māra Zaļaiskalns, komponiste Ilona Rupaine, literaturzynuotneica Ilga Šuplinska, dzejneica i žurnaliste Anna Rancāne, portala “Latgalīšu kutlurys gazeta” puorstuove Laura Melne, portala “Latgalīšu kulturys gazeta“ redaktore, raidejumu producente Vineta Vilcāne, režisors Jānis Ozoliņš, Latvejis Radejis Latgolys studejis vadeituoja Renāte Lazdiņa, grupa “Piparmētra“, muzykys žurnalists Orests Silabriedis, muzikis Ingars Gusāns, literate, publiciste i žurnaliste Sandra Ūdre, literats Juoņs Ryučāns, dirigents Jānis Kokins, deputats i latgalīšu kulturvidis aktivits Juris Viļums, muzykants Juris Ostrovskis, režisors Ugis Olte, uzjiemieji, latgalīšu kulturvidis aktivisti Ingūna i Aigars Zīmeli, Latvijas Nacionaluo kulturys centra vadeituoja Signe Pujāte, muzykys izdeviejs i dzīšmu autors Guntars Račs, režisors Dainis Kļava, muzikis i uzjiemiejs Juris Vucāns, latgalīšu kulturvidis aktiviste i projektu vadeituoja Edīte Husare, literats i muzikis, Latgalīšu kulturys goda bolvys dybynuotuojs Oskars Orlovs i Latgolys viestnīceibys GORS vadeituoja Diāna Zirniņa.

Svineiguo bolvys padūšonys ceremoneja byus ituo goda 25. februarī 16.00 Latgolys viestnīceibys GORS Lelajā zalē i tīšraidē lītuotnē LMT Straume http://straume.lmt.lv/lv/kultura/kultura/bonuks/1005956. Iz ceremoneju meili aicynuoti nominanti, viertiešonys komiseja, medeju puorstuovi i kotrys latgalīšu kulturys interesents. “Boņuks 2017“ ar muzykalim prīšknasumim prīcēs grupa “Bez PVN”, grupa “Unknown Artist“, tradicionaluos muzykys grupa “Tautumeitas”, dzīsminīks Kārlis Kazāks, apvīneiba “Latgalīšu Reps“, hārdroka grupa “Fēnikss“, projekts “100gadis bolsi“, Guntra Kuzmina i Rēzeknis nūvoda vokaluo studeja “Skonai“, Jāņa Ivanova Rēzeknis muzykys vydsškolys jauktais kors i cyti muokslinīki.

Latgalīšu kulturys goda bolvys “Boņuks 2017” nūtikšonu atbolsta Vaļsts kulturkapitala fonds, AS “Latvijas valsts meži“, Rēzeknis piļsātys dūme, Rēzeknis nūvoda, Dagdys, Bolvu, Daugovpiļs, Ruguoju i Rībeņu nūvodu pošvaļdeibys. Informativī atbaļsteituoji: žurnals “Ir”, Latgalīšu kulturys gazeta lakuga.lv, Latvejis Radejis Latgolys studeja, Latgolys radeja i LMT Straume. Vaira par balvu: http://bonuks.lv.